- Чындзхасты куывд
-
– Уæ Хуыцау, табу Дæуæн!– Оммен, Хуыцау!– Хуыцау, Дæ рафæлдисгæ адæмæн хорздзинæдтæДæ цæст бауарзæд!– Оммен, Хуыцау!– Уæ, Дунерафæлдисæг Хуыцау,Абон цы дыууæ мыггаджы æмæ дыууæ кæстæры амонды тыххæй кувæм,Уый рæстмæ фæкæн! Кæрæдзи уарзгæйæ куыд фæцæрой,Сæ хæстæгдзинад мыггагæй мыггагмæ фидардæр куыд уа,Дыууæ кæстæры æмзай-æмзæронд куыд бауойÆмæ дыууæ мыггаджы кæрæдзиуыл куыд бæттой!– Оммен, Хуыцау!– Уастырджи, табу дæхицæн!Байраджы – бæхгæнæг, лæппуйы – лæггæнæг Уастырджи,Ацы саби-чызджы амондджын фæкæн,Йæ райгуырæн хæдзарæй йæ цæрæн хæдзармæ амондджындæр къах чи æрбавæрдта,Уый æмбал уæд!– Оммен, Хуыцау!– Бинонтæн адджын куыд фæуа, сыхбæстæн уарзон,Дыууæ кæстæрæн сæ хорз фæллой æмæ се гъдау адæмы æхсæн нымад куыд уой!– Оммен, Хуыцау!– Уæ Мады Майрæм, уæдæ йæ авд лæппуйы мад фæкæн,Йæ авд лæппуйæн авд авдæны куыд ауза,Цы бинонтæм æрцыд, уыдонмæ лæппуйы кæхцытæ куыд фæхæссой!– Оммен, Хуыцау!– Хоры Уацилла, Фосы Фæлвæра,Уæ раттæггаг хор æмæ фосæй æфсæст куыд уæмÆмæ сæ чындзæхсæвтæ æмæ куывдтæ куыд кæнæм!– Оммен, Xуыцау!– Тбау Уацилла, фыдбылызæй нæ бахиз,Дуне сабыр куыд уа, æмæ нæ кæстæрты чындзæхсæвты абонау куыд бадæм!– Оммен, Хуыцау!– Хетæджы Уастырджи, табу дæуæн дæр!Ирыстон æнæфыдбылызæй куыд баззайа, ахæм арфæ ракæн!– Оммен, Хуыцау!– Бынаты Хицау, дæ бынмæ цы кæстæр æрбахызт, уый амондджын фæкæн!– Оммен!– Афтæ ма чи зæгъа зæдтæй, мæ ном куы ссардтаиккой,Уæд æз хуыздæр баххуыс кодтаин, зæгъгæ,Уымæн дæр нæ кувинæгтæ барст уæнт!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
